ايکي يوْلون آيريجيندا قالميشام

ايتيرميشم آتام گئدن ايزلري

تاپانميرام آوانديني، ترسيني،

آنلاميرام! اوْغلوم دئين سؤزلري

 

ياپيشميشام بوْشا! قوْپا بيلميرم

گون اوْرتادا يوْلو تاپا بيلميرم

آتيمي دا  داها چاپا بيلميرم،

چاپديرارديم ها... ياللاري، دوزلري

 

يابي‌لارا نوْختا اوْلدون آي ايپک!

يوْللاريما توْر توْخويور هؤرومچك

قوردوما ديش قيجير دوْوشان! نئيله‌مک؟

آزرائللي؟ کيم آزديردي بيزلري!.

نوشته شده در شنبه 1389/10/11ساعت 7:52 توسط منوچهر فضلي خلف «آزرائللي»|